நான் பேச நினைப்பதெல்லாம்..

கந்தசாமி – போதும் சாமி!!

2009-09-01T10:16:00.000-07:00

ஒரு பிடி சிவாஜி, ஒரு பிடி ரமணா என எடுத்துக்கொண்டு பிள்ளையாரின் தம்பியை பிடிக்க கிளம்பியிருக்கிறார் சுசி கணேசன்..ஆனால் பழமொழிக்கேர்ப்ப அவர் பிடித்து என்னவோ ஒரு குரங்கை!!

விரும்பிகிறேன், 5 ஸ்டார், திருட்டு பயலே போன்ற நேர்த்தியான படங்களை படைத்த அதே சுசி கணேசன் தான் இந்த படத்தை இயக்கினார் என்ற கேள்வி ஒரு புறம் என்றால், படத்தில் விக்ரம் என்ற நடிகனை எங்கு தேடினாலும் கிடைக்கவில்லை!பணத்தை வாரி இரைக்கும் தாணு போன்ற தயாரிப்பாளர் கிடைத்தவுடன் கதை, திரைக்கதை எல்லாம் என்னத்துக்கு என்று இருந்து விட்டனர் போலும்!

பாடல்கள் வேகமாக இருந்தாலும், சில பாடல்கள் கேட்க/பார்க்க சகிக்கவில்லை..உ.தா. மியாவ் மியாவ் பாடல், கிளைமாக்ஸ் பாடல்!! படத்தின் ஒரே ஆறுதல் விக்ரமின் கூல் லுக்சும், ஷ்ரியாவின் ஹேர் ஸ்டைலும்.

தனது மற்ற படங்களை போலவே ஒரு நல்ல சமுதாய சிந்தனையை கூற கிளம்பிய சுசி கணேசனை தடம் மாற்றியது என்ன என்ற கேள்வியே படம் பார்த்து திரும்பிய என்னிடம் இருந்தது!!

பி. கு : இந்த பதிவு தன்னை படத்திற்கு கூப்பிடவில்லை என்று கோபமாய் இருக்கும் ஒரு நண்பரின் கோபத்தை தணிக்கவும், படிப்பர்வகளுக்கு படத்தை பற்றிய ஒரு எச்சரிக்கையை இருக்கட்டும் என்ற நல்ல எண்ணத்தில் பதிந்தது

தேர்தல் 2009 - தமிழகம்

2009-04-18T10:10:00.000-07:00

தேர்தல் 2009 - தமிழகம் - எனது கணிப்பு

அ தி மு க கூட்டணி - 28 இடங்கள்
தி மு க கூட்டணி - 10 இடங்கள்
பாரதிய ஜனதா (கூட்டணி?) - 1 இடம்

கடி!!

2008-11-22T09:41:00.000-08:00

வைரமுத்து: "காதலித்துப் பார்! உனக்குள் ஒரு ஒளிவட்டம் தோன்றும்!"

பொதுஜனம்: "இன்னைக்கு இருக்கிற பவர் நிலவரத்துக்கு வீட்டுக்கு ஒருத்தராவது காதலிக்கணும்னு அரசு உத்தரவு போடணும்"

காதல்..

2008-09-30T23:21:00.000-07:00

எங்கோ கேட்டது..

"அணு அணுவாய் சாவதற்கு

முடிவு எடுத்த பின்

காதல் சரியான வழிதான்!"

ஆனால்..

"அணு அணுவாய் வாழ்வதற்கு

முடிவு எடுத்த பின்னும்

காதல் சரியான வழிதானே!"

நன்றி கல்கி..

2008-04-22T07:29:00.000-07:00

தலைக்கு மேல வேலை இருக்கு!
ஹேர்-கட்டிங் பத்தி சொல்லல...உணமையாவே நிறைய சப்மீஷன்ஸ் பாக்கி இருக்கு..எதை ஆரம்பிக்கறது, எப்படி அரம்பிக்கறது என்ற குழ்பத்திலேயே ரொம்ப நாளா ஓன்னும் பண்ணல :) இப்போ தான் ஆரம்பிச்சிருக்கேன். ..இந்த டென்ஷனுகெல்லாம் ஆறுதலா இருக்கறது கல்கியின் 'பொன்னியின் செல்வன்' தான்...ரெண்டாவது முறையா படிக்கிறேன்..அடுத்து என்ன நடக்க போகுதுனு தெரிஞ்சாலும் விறுவிறுப்பா இருக்கு....என்னை தினமும் வேறொரு யுகத்திற்கு எளிதாய் கொண்டு போகும் கல்கி அவர்களுக்கு நன்றி..

P.S. : பொன்னியின் செல்வனில் எனக்கு ரொம்ப பிடிச்ச பாத்திரம் ஆழ்வார்க்கடியான் உடையது. பொன்னியின் செல்வனை பி.ஆர். சோப்பிராவின் 'மகாபாரதம்' போல் சீரியலா எடுக்க எனக்கு அவா. அப்படி எடுத்தா நான் தான் ஆழவர்கடியனா நடிப்பேன் :) மற்ற பாத்திரங்களுக்கு வேகன்சி இருக்கு.. விரைவில் அப்ப்ளை பண்ணவும் :)

ஆழ்வார்கடியான் - கல்கியில் வெளிவந்த மணியன் அவர்களின் ஓவியம்..:)

தி சௌன்ட் ஆப் மியூசிக் : வாழ்க்கையின் கொண்டாட்டம்

2008-04-14T10:51:00.000-07:00

நேற்று முன் தினம் "தி சௌன்ட் ஆப் மியூசிக்" ஆங்கில படம் பார்த்தேன்..காதல் கொண்டேன்..படம் மீது தான் :) நமது பழைய தியாகராஜ பாகவதர் படங்கள் போல பல பாடல்களை கொண்ட படம் இது. ஆங்கில படங்களில் இத்தகைய படங்களை 'மியுசிக்கல்' என்றழைப்பார்கள்.'சௌன்ட் ஆப் மியூசிக்' ஆங்கில திரையுலகில் மிகவும் ப்ரசிதியான மியுசிக்கல். 1965 ஆம் ஆண்டு வெளிவந்த இந்த படம் சிறந்த படம், இயக்குனர், இசை, ஒலியமைப்பு மற்றும் படத்தொகுப்பு ஆகிய ஆஸ்கார் விருதுகளை பெற்றது.

இந்த படம் இரண்டாம் உலக போரின் பின்னணியில் ஆஸ்திரியா நாட்டில் நடைபெற்ற ஓர் உண்மை கதையின் அடிப்படையில் அமைந்தது. படத்தின் நாயகியான மரியா இயேசுவின் திருப்பணியில் தன் வாழ்க்கையை கழிக்க எண்ணி ஓர் தேவாலயத்தில் வாழ்ந்து வருபவர். இசை, நாட்டியம், இயற்கை ஆகியவற்றின் மீது அதீத பிரியம் கொண்ட மரியா கண்ணிகாஸ்திரீ ஆவதை விட வெளியுலக வாழ்க்கைக்கே ஏற்றவர் என்பதை அறிந்து மரியாவை ஒரு கடற்படை கேப்டனின் ஏழு குழந்தைகளை பார்த்துக்கொள்ள அனுப்பி வைக்கப்படுகிறார். அங்கு சென்ற மரியா குழந்தைகளின் அன்பையும், நம்பிக்கையையும் எப்படி சம்பாதிக்கிறார், கேப்டன் வான் திர்ராப் மீது எவ்வாறு காதல் கொள்கிறார், அவர்கள் காதல் நிறைவேறுகிறதா என்பதே மீதி படத்தின் கதை. இதற்கிடையில் ஹிட்லரின் நாசிப்படை ஆஸ்த்ரியா நாட்டை ஆக்கிரமிக்கிறது. கேப்டன் வான் திர்ராபை தனது படையோடு சேர்ந்து போரிட பணிக்கிறது. சுத்த நாட்டுபற்றலனான கேப்டன் இதனை ஏற்க மறுக்கிறார். அவர் கைது செய்யப் படுகிறாரா அல்லது தபபிகிறாரா என்பதே படத்தின் அசத்தல் கிளைமாக்ஸ்.

"தோ ரே மீ", "மை பேவரிட் திங்க்ஸ்" , "எடேல்வைஸ்", " இ அம் சிக்ஸ்டீன்" என அனைத்து பாடல்களும் மனதை விட்டு அகல மறுக்கும் படைப்புகள். ஜூலியா அன்டுருஸ் மரியாகவே வாழ்திருக்கிறார். இயக்கம் - ராபெர்ட் வைஸ் ; இசை - இரவின் காச்டால்.

இந்த படம் வாழ்க்கையின் கொண்டாட்டம். பார்க்கும் அனைவருக்கும் உற்சாகம் அளிக்கும் ஓர் சஞ்சீவி மருந்து. பனிப்போர் நிலவிய காலங்களில், போர் மூளும் பட்சத்தில் பி.பி.சி. ரேடீயோ ஒளிபரப்ப வைத்திருக்கும் நிகழ்ச்சி பட்டியலில் 'சௌன்ட் ஆப் மியூசிக்' ஒன்று என்றால் பார்த்துக்கொள்ளுங்களேன்!

நான் படிக்க நினைப்பதெல்லாம்..

2008-04-06T11:43:00.000-07:00

நான் தமிழ் புதிங்களை அதிகம் படித்ததில்லை. அதிகம் என்ன...சொல்லப் போனால் மிகவும் சொற்பமான அளவே படித்திருக்கிறேன். இந்த அவல நிலையை மாற்ற முடிவு எடுத்துளேன். நான் படிக்க வேண்டும் என்று அசைப்படும் புத்தகங்களின் ஆரம்ப பட்டியல் இங்கே....

௧. 'பொன்னியின் செல்வன்' - கல்கி (மீண்டும்..)

௨. 'சிவகாமியின் சபதம்' - கல்கி

௩. 'பார்த்திபன் கனவு' - கல்கி

௪. 'என் இனிய இயந்திரா' - சுஜாதா (மீண்டும்..)

௫. 'கரையெல்லாம் செண்பகப்பூ' - சுஜாதா

௬. 'சில நேரங்களில் சில மனிதர்கள்' - ஜெயகாந்தன் (படித்து கொண்டிருக்கிறேன்)

இவற்றை படித்து இவை பற்றிய எனது எண்ணங்களை இந்த இணையப்பதிவில் பதிவு செய்ய ஆசை..

மார்கழியில் குளிச்சுப் பாரு...

2008-04-06T11:22:00.000-07:00

தங்கர் பச்சானின் 'ஒன்பது ரூபா நோட்டு' படத்தில் இடம்பெற்ற 'மார்கழியில் குளித்து பாரு' எனும் பாடல் தனது பொருள் வளத்தால் என்னை மிகவும் கவர்ந்தது. வைரமுத்துவின் வைரம் போன்ற நிலப்புத்தன்மை பொருந்திய வரிகள், பரத்வாஜின் ஆர்பாட்டமற்ற இனிமையான இசை, உணர்ச்சிமிக்க ஸ்ரீநிவாசின் குரல், தங்கரின் இயற்கையோடு ஒன்றிய காட்சியமைப்பு அனைத்தும் இந்த பாட்டிற்கு பலம் மேல் பலம் சேர்த்துள்ளன. இதோ அந்த பாடல் வரிகள்...
"மார்கழியில் குளிச்சுப் பாரு
குளிறு பழகி போகும்
மாதவனாய் வாழ்ந்து பாரு
வறுமை பழகி போகும்
உப்பில்லாம குடிச்சுப் பாரு
கஞ்சி பழகி போகும்
பாயில்லாம படுத்துப் பாரு
தூக்கம் பழகி போகும்
வறுமையோட இருந்து பாரு
வாழ்வு பழகி போகும்
சந்தோசத்த வெறுத்து பாரு
சாவு பழகி போகும்
என்னோட சொத்தெல்லாம் தொலைச்சிபுட்டேன்
இப்ப என் பேரில் உலகத்தையே எழுதிகிட்டேன்
துறவிக்கே வீடு மனை ஏதுமில்ல
ஒரு குறுவிக்கு காசேதான் தேவையில்ல
சில்லுனு ஒரு காத்து
சித்தோட ஊத்து
பசிச்சா கஞ்சி
படுத்தா உரக்கம்
போதுமடா போதுமடா சாமி!!
நான் சொன்னாக்கா
வலமிடமா சுத்துமடா பூமி
காசு பணம்
சந்தோசம் தருவதில்ல
வைரக்கல்லுக்கு
அரிசியோட ருசியுமில்ல
போதும் எனும் மனசு போல
செல்வமில்ல
தன் பொண்டாட்டி போல
ஒரு தெய்வமில்ல
வேப்பமர நிழலு
விசிலடிக்கும் குயிலு
மாட்டு மணி சத்தம்
வயசான முத்தம்
போதுமடா போதுமடா சாமி!!
அட என்னப் போல
சுகமான ஆளிருந்தா காமி!!
மார்கழியில் குளிச்சுப் பாரு
குளிறு பழகி போகும்
மாதவனாய் வாழ்ந்து பாரு
வறுமை பழகி போகும்"

மீண்டும் "நான் பேச நினைபதெல்லாம்"

2008-04-01T21:36:00.000-07:00

இந்த பதிவில் எழுதி ரொம்ப நாள் ஆயிடித்து. "நான் பேச நினைபதெல்லாம்" என்று பெயர் வச்சிட்டு எதுவும் பேசலேனா எப்படி? இனி தொடர்ந்து எழுத...இல்லை பேச நினைச்சிருக்கேன். கூகுளின் உதவியோடு அது முடியும். நன்றி கூகிள். நீங்களும் தமிழில் எழுத ஆசையா? தமிழ் தட்டெழுத்து தெரியாதா? இந்த இணையத்தளம் உங்கள் விருப்பத்தை பூர்த்தி செய்ய உதவும் - http://www.google.com/transliterate/indic

தேடிச் சோறு நிதம் தின்று..

2007-09-07T08:02:00.000-07:00

ஒரு தமிழ் அன்பரின் பதிவில் (http://tamilblog.info/) இந்த பாரதிக் கவிதையை படித்தேன். புது உற்சாகம் பெற்றேன். நீங்களும் புது வேகம் கொள்ள இதோ அந்த முண்டாசுக் கவஞனின் அறைகூவல் -

" தேடிச் சோறு நிதம் தின்று - பல
சின்னஞ்சிறு கதைகள் பேசி
வாடித் துன்பமிக உழன்று - பிறர்
வாடப் பல செயல்கள் செய்து
நரை கூடிக் கிழப்பருவம் யெய்தி
கொடுங் கூற்றுக்கிரை எனப் பின்
மாயும் பல வேடிக்கை மனிதரைப் போல
நானும் இங்கு வீழ்வேன் என்று நினைத்தாயோ!"

- மகாகவி சுப்பிரமணிய பாரதி

கயிறுகளை சோதியுங்கள் களிறுகளே!

2007-09-06T12:55:00.000-07:00

அண்மையில் நான் படித்தவற்றில என்னை கவர்ந்த மூன்று வார்த்தைகள்தான் - "கயிறுகளை சோதியுங்கள் களிறுகளே!". ( நன்றி - வைரமுத்து மற்றும் குமுதம் வார இதழ்.)

கோவிலில் யானை பார்த்திருப்பீர்கள். பாகனின் சொல் கேட்டு அமைதியாய் நின்று கொண்டு இருக்கும் யானையை; மெல்லிய கயிற்றால் ஒரு சிறிய கம்புடன் கட்டுண்டு கிடக்கும் யானையை.

ஆமாம், கயிற்றிற்கு வன்மை அதிகமா? யானையின் வன்மை அதிகமா?

ஆனால் யானை அமைதியாய் இருக்கிறதே, ஏன்?

சிறிய வயதிலிருந்தே அப்படி யானையை பழக்கி வைத்திருக்கிறான் யானைப்பாகன். சிறு வயதில் பழக்கப்பட்ட யானை பெரியதாய் வனமைவாய்ந்ததாயான பிறகும் தன் உண்மையான சக்தி என்ன என்பதையும் அறியாமல், அதை சோதித்து பார்க்கவும் எண்ணாமல் அடங்கியிருப்பதே காரணம்!

இவ்வாறுதான் நம்முள் சிலரும் நமது சக்தி என்ன என்பதை அறியாமல், அதை சோதித்து பார்க்கவும் எண்ணாமல் நமது முழு திரணை அடையாமல் உள்ளோம்.

என்ன நம்மை பிணைந்திருக்கும் கயிறுகளை அவ்வப்போது சோதிப்போமா நண்பர்களே?

பி.கு 1 : யானை என்பதற்கு 'களிறு' என்ற இணையான தமிழ் பதம் உண்டு.
பி.கு 2: எனது வலைப்பக்கத்தில் எனது தாய்மொழியில் எழுத உதவிய 'அழகி மென்பொருளிற்கு நன்றி.